СЛЕДЕТЕ НЀ

Актуелен Миг

Од денес зимската опрема не е задолжителна [со кратко видео кое мора да го погледнете]

 

Со снег или без него, зимата за возачите помина – според нашите законски прописи таа трае од 15 ноември и до 15 март, без разлика на временските услови и температури.

Како зимска опрема кај автомобилите се подразбираат зимски пневматици на сите четири тркала со минимална длабочина на шарите од 4 милиметри, или пак летни пневматици ако во возилото се носат синџири за снег за погонските тркала.

За возилата пак со погон на сите тркала длабочина на шарите треба да изнесува 6 mm, а ако се опремени со летни пневматици и имаат синџири за снег, тогаш најмалку 4 mm. Слични се прописите и за товарните возила и автобусите, со тоа што таму и лопатата за снег се подразбира.

Според законот, како зимски пневматици се сметаат оние кои имаат ознака MS, M+S, M&S и знак на снегулка на стилизирана планина со три врва.

Казната за непочитување на прописите во поглед на зимската опрема во Македонија изнесува 45 евра во денарска противвредност, но полициските службеници имаат право и да го исклучат возилото од сообраќај кога условите не овозможуваат безбедно движење ако тоа нема зимска опрема.

 

Реклама
Реклама
Реклама

Интересно

Повеќе од Актуелен Миг